كتب الشاعر. ..محمود عبد الخالق عطيه محاكاة لرائعة ( انت الحب )

......................محاكاة لرائعة ( أنت الحب )
ياما قلوب بتنادي عليك
تتمنى تسبح فى بحر هواك
وانا اللي قلبي قتيل لعينيك
وحياته ياروحي تبتدى برضاك
الويل بقلبي طال
بين الألم والنوح
وبين عزول بطال
يلوم وانا المجروح
وعمري مشكي من سهدك
مهما عذابك حيرني
واغير عليك من نفسك
واشيلك جوا فى النيني
أول عينيا مانظرتك ليك
شفت ملاك فى عينيه
وقلبي لما سألته عليك
قال دي حورية من الجنة
صدقت قلبي فى اللي قالولي
من يومها وانا عزرك ياعذولي
لكن جمالك حيرني
ونار سهادك سهرني
أسفح دموعي يا ظالمني
وانت ناسيني وتقول فاكرني
وعمري مااشبع من حبك
ولا البعاد هيغيرني
لكن أهيم كده فى حسنك
وأغير عليك أكتر مني
أهواك فى قربك وف بعدك
وتحلى الدنيا بيك ياملاك
وان تهت اناجي حروف اسمك
ألاقي هنا قلبي في نجواك
أنا مهما أسلو ما سليتك
وعهد الله ولا بنساك
وابعت طيري يشكي لك
يقول لي جفنه ياروحي هتاك
وأراعي عهودي لعهودك
سويدا القلب ياروحي مأواك
أتاري البدر من حسنك
تاه واختفى من نور مرآك
ياهنا قلبي فى رحابك
د انا همي يزول ساعة رؤياك
يورد على فكري
أشياء ولا فى الخيال
و الشمس ازاى ياهوى
تطلع كده فى الليال
وحشني وانت ضيا عيني
ياللي وصالك يداويني
ولما اشوف ضحايا حبك
اسأل عن حال الشوق وأساه
ألقاه يدوب قطرة فى بحري
أشفق على قلبي وعلى بلواه
أسأله عن وقت الغياب
الشوق دوبه زيي أنا
ألقاه فى نجوة من الهلاك
وموتي قاب قوسين أو دنا
أنت القمر اللي احيا بنوره
عمره ماغاب يوم عن عيني
وانت الهمس الساجع صوته
يمحي الشك ويقوي يقيني
وانت الحب اللى ماليش غيره
مهما قاسيت هواك يرضيني
وانت شعائر قلبي ودينه
يامفرحني ويا مبكيني
محمود عبد الخالق عطيه