اسم الشاعر /ناجح الشرقاوي مجرد جماد

كنت فاكرك بشر

ﻻ قلب فيكى
وﻻ أحساس وﻻ مشاعر
كل الحكاية
انى انا رسام وشاعر
لقيتك فى سكة
مجرد جماد
ورقة ولوحة فاضية
وعليهم حبة رماد
كتبتك فى احلى قصيدة
ومحيت ماللوحة السواد
........

كتبت كلمة حلوة
ومسحت ماللوحة
كل دمعة
ورسمت بدلها ضحكة
عملت عش هادى
وفيه عصفور كنارى
يصحى يزقزق بفرحة
واقعد فيه ادادى 

......

ورسمتك بنت حلوة
وشها زى القمر
وف ليلة كانت شتا
ورعد وبرق جامد
والسما تنزل مطر
العش بقى كوم تراب
والقصيدة كلامها اتمحى
المياة والتراب
اصبحوا حتة حجر
وانا اللى ...
كنت فاكرك بشر

ناجح شرقاوي