بعنوان:يانفسي
مالك يا نفسي فاقصاني
مهوساني مرة مرة مشقياني
مليت الحگرة
جمعت القهرة
صريتها ف صرة
خممت تخمامي
من قرابي جاتني الدقة
كلامهم سومو طاح
غير النباح
داك الشي من الضسارة...
حلمت حلامي
صدقت غرامي
ضربنتي الفيقة
لقيت سراب گدامي
شوفي فها
عقلي سها سحا
محمل لهموم قته
شعلت النار ف جوفي
خلاتني نتشوا
جمعت الوقفة....
غير صدقني يا صديقي
الجمر فوق الصدر
هبهابو مابغا يطفا
طاير ف السما (ء)
سوق لمزاح ما هو سوقي
شحال هادي
كبيت ع الكرش الما (ء)
فتلت من الدوم گفة
ملي يضيق الحال
نتوسدها ننسا....
نكرو النعمة
لادير الشوك ف طريقي
عشقت المحبة
مع راسي وناسي
نفرق الغا
الليل ونيسي ورفيقي
الا تهرس الكاس
نجمع شقوفو
الا غاب الزين يبقاو حروفو
الحيط لنتاكي عليه
ترابو رشا:!!
21/11/2018
بقلم حمد البراقي الحسناوي
مالك يا نفسي فاقصاني
مهوساني مرة مرة مشقياني
مليت الحگرة
جمعت القهرة
صريتها ف صرة
خممت تخمامي
من قرابي جاتني الدقة
كلامهم سومو طاح
غير النباح
داك الشي من الضسارة...
حلمت حلامي
صدقت غرامي
ضربنتي الفيقة
لقيت سراب گدامي
شوفي فها
عقلي سها سحا
محمل لهموم قته
شعلت النار ف جوفي
خلاتني نتشوا
جمعت الوقفة....
غير صدقني يا صديقي
الجمر فوق الصدر
هبهابو مابغا يطفا
طاير ف السما (ء)
سوق لمزاح ما هو سوقي
شحال هادي
كبيت ع الكرش الما (ء)
فتلت من الدوم گفة
ملي يضيق الحال
نتوسدها ننسا....
نكرو النعمة
لادير الشوك ف طريقي
عشقت المحبة
مع راسي وناسي
نفرق الغا
الليل ونيسي ورفيقي
الا تهرس الكاس
نجمع شقوفو
الا غاب الزين يبقاو حروفو
الحيط لنتاكي عليه
ترابو رشا:!!
21/11/2018
بقلم حمد البراقي الحسناوي
ليست هناك تعليقات:
إرسال تعليق