كتب الأستاذ الشاعر/أسامه جديانه◇◇أشعلوا كل الشموع◇◇

أشعلوا كل الشموع
لما نعمل السبوع
لحبيب جده وأسمه آدم
الشمس رفضت السطوع
لما علمت أنه قادم
نوره مش أى نور
نوره فى السما لامع
قمر بين النجوم
فى الضلام نوره ساطع
ف آخر جمعه من شعبان
هل هلاله قبل رمضان
فى أنتظاره من زمان
شاغل البال والوجدان
هسقيه من قلبى الحنان
ولما يطلع له أسنان
ألف بيه فى كل مكان
وأخاف عليه من الجيران
أداريه جوه الأحضان
أصل واد دنجوان
عيونه دوبلى
يملك صفات الحسان
بدعى ربى فيه يبا رك
أجمل زهرة فى البستان
والجميع لازم يشارك
يشعل شمعه فى السبوع
سبوع حفيدى آدم
                       ( أسامه جديانه)