بقلمى ميرفت هلال{{انا فى غربه و خدانى}}

انا فى غربه و خدانى

و بعدانى عن الاحباب
بنادى عليك بصوت مبحوح.
و ضحكتى مليها جروح . .
بسرح عينى تيجى و تروح
 تايهة ...حيرانه على بابك ...
اقول بكرة اقول بعده ...
و مين نال فى الهوى سعده ...
و عاش فى الدنيا دى مرتاح ؟
ماتيجى ترد فيه الروح ...
و تسعد قلبى بوصالك . .
تعبت كتير و قلبك قاسى..
و مهما اشوف معاك من هجر
بلاقى روحى جيالك
و فتحالك دراع قلبى
و عقلى الواعى ميالك
تشوفنى تايهة حيرانه
و لا تحاول تقول مالك
و قلبى جريح بعيد عنك
و مشتاقلك و بندهلك
وافكارى مخاصمانى
و سايبانى و رايحالك
تعبت كتير و انت بعيد
تعالى و رد انفاسى
و احطك تاج على راسى
و ازينلك فى ايامك
تعبت كتير من الدنيا
و لو تسال دموعى ترد
و تبكى فى يوم على حالى
و فرق كبير ما بين حالى
و بين حالك
ماعاد ليلى بيحلالى
و غاب نجمه و بقى حالك
لامتى يا قلبى هتدارى
و تعزف لليتامى الناى
و تتغنى بموالك ؟!
تعالى ورد انفاسى
و جيب روحى الى ريحالك

🌹بقلمى ميرفت هلال