(((أسامه جديانه)))طل علي بسحر جماله

طل علي بسحر جماله
سحر يخلي العمر يطول
كل دقيقه اشتاق لدلاله
اصل جماله مش معقول
الاقيه سارح جوه خياله
وانا اللي دايما بيه مشغول
يشغلني بفكره واحواله
يمكن ألاقي أي حلول
قلبي يقولي حبيبك ماله
قلبي بيتمنى القبول
فكري مشغول بوصاله
واهديه قلبي ووجداني
يسعدني بسمته ودلاله
وارويه من بحر حناني
وابقى حبيبه واشغل باله
واطير معاه لعالم تاني
وابقى حياته وكل آماله
عمره مايبعد عني ثواني
غير احوالي ببسماته
خدني لباب العشق وفاتني
اشعر به وبهمساته
نظرة من عيونه صابتني
قلبي اتألم من نظراته
لمسة إيديه بتطببني
                          (((أسامه جديانه)))