جمال خضور(علّمناياحسون)

قطفةشعر.. من(زورقالليل)

      (علّمناياحسون)

علّمناياحسون..
نغنّي للدني..
نطْرِبْ وراق الشجر..
وترجع رقصات الولدنة..
جناحات مبللة فرح..
من هالمطر..
ريشاتا..
من قوس القزح..
ضحكات ملوّنة..
قولكْ ياحسون..
في عنّا أملْ..
تَ نتعلّمْ..
شوذنبو هالعشق..
لو صواتنا مبحوحة..
تَ يتألَّمْ..
كوابيسْ هالزمنْ..
يمرَقْ..
ختيروا الغيماتْ..
ولاكنّا نتعلَّم..
انسرقتْ مواويلْ..
وضعنا بالصدىٰ..
والصدىٰ بهاك المدىٰ..
يغْرَقْ..
شي مرّة نمْسَحْ قناديلْ..
تَ نشوفْ وينْ صرنا..
تعبنا منْ المشي بالليل..
والعتمة.. سَرقتنا..
شو بقي منْ الحيلْ..
خَبْرنا ياحسون..
ليشْ ضعْنا…
وضيَّعنا..
هالمفرقْ..

           سوريا/جمال خضور