(((أسامه جديانه)))يادنيا زي الميزان

يادنيا زي الميزان
بترفع الناقص
بيبقى له مكان
على كل الحبال راقص
املاك وميت فدان
وعلى الجنيه قارص
لو سأله الغلبان
بكتافه ويقمص
محروم من الإحسان
فى حقوق الغير يقصقص
حاسس بالحرمان
فى الحق يتملص
دايما خسيس وجبان
فى دور المظلوم يتقمص
ابن الأصول وزان
فاهمك وبيطنش
بتلف كما التعبان
تبتسم وتقرص
بيسيبك للزمان
اللي انت عليه احرص
حمل وشيل اطنان
فى البنك ورصص
أنت البعيد غلبان
فى صوابعك بتمصمص
لابس كما العريان
خايف لتفلس
ماتلاقي لك مكان
وكل يوم تنقص
                        (((أسامه جديانه)))