بقلمى Zo Ma[[و فيه ابيض و فيه اسود

و فيه ابيض و فيه اسود
و عين جواها حب و خير
و عين جواها قلب حسود
و عين بترش احلى ورود
و عين تبصلك ترتاح
و عين نظرتها سيف دباح
و ايد بتضم ايدك ضم
و ايد تتحس اب و ام
و ايد جواها غدر و سم
و فيه فعل بيرفع راس
و فعل صاحبه ينضرب بالفاس
و فيه ناس مرار بالكاس
لا تتعرف و لا تنقاس
و ناس فى عيونها دى الطيبه
دفا و احساس
و صحبه لقلبك دار و سرير
و عشرة تبقى فيها اسير
و كلمة فى قلبك اثرها حرير
و كلمه كلها تبرير
يا تخفيها فى قلبك بير
و فيه قلب عاش مجروح
بيضحك و هو كله جروح
و قلبه كان كتاب مفتوح
لو حبيت تشوف جواه
تجيب صفحاته تقراها
خلاصه القول يا صاحبى
علشان فى الحياة ترتاح
تعيش للمعاصى ضرير
و ارضك يملا فيها الخير
و فيه ابيض و فيه اسود
و ربك بكل فعل بصير

🌹 بقلمى Zo Ma

شكرا على قبول الاضافه ...و شكرا لمن اضافنى الاخت الفاضله
Gigi Shaker 🌹🌹🌹
تحياتى للجميع