للصلاة سجادة بقلمي محمود عجور{{الوطن يا ناس

الوطن يا ناس
مش بالمتر ينقاس
الوطن غالي
مش تراب وينداس
الوطن حضن إم
بجبينها تنباس
الوطن بالدم بينفدا
مش نخب
 وضرب كاس
غصن زيتون أخضر
مش يباس
أصرخ يا وطن
تيوعى ضمير الناس
الوطن مش كتاب ينقرا
ولا شخطة قلم ومسطرة
الوطن لا ينباع ولا ينشرى
حراسه سياج الشرف
للأعادي مقبرة
أرواح للوطن تنوهب
دم عترابه ينسكب
بحروف وآيات عز من ذهب
بدم ودمع نرويك
ساكن فينا
ونسكن فيك
ترابك للصلاة سجادة
مسبحة وحب وعبادة
وقفة حق بوجه الأعادي
وصرخات باسمك بتنادي
يا وطن إنت السفينة
والكل فيها قائد وقبطان
الكل فيك مظلوم
 وحدك يا وطن غلطان

للصلاة سجادة
بقلمي محمود عجور