ماخنتكيش

ماخنتكيش
——-//
عسلك ياستي مر صبر
ياللي هواكي عذاب وقهر
ضاعت معاكي ليالي عمر
والنهارده توبت وشفيت
لما انتي قولتي خلاص بابيع
وقالي قلبي خلاص باضيع
اجمل ليالي من ربيع
عمري وضاعت واتكويت
ورتني ود مادقتهوش
حنان وعهد ماصونتهوش
لما انتي بعتي
ماخنتهوش
بعت اللي باقي وابتديت
وياها صفحات الكتاب
انا كنت عاصي قلبي تاب
رضيت نصيبي من مناب
حمدت عمري ماشتكيت
روحي بهناكي والخصام
انا روحي مش قد المقام
خلاص ياستي خلاص سلام
من يوم مابعتي
انا اشتريت